Հզոր պայթյուն Բեյրութում. Զոհվել է մեկ հայ

Լիբանանի առողջապահության նախարար Համադ Հասանը հայտարարել է, որ Բեյրութի նավահանգստում պայթյունի հետևանքով առնվազն 70 մարդ է զոհվել, հաղորդվում է Al-Hadas հեռուստաալիքի Twitter-ում:

Նախարարի խոսքով, պայթյունի զոհ է դարձել 70 մարդ, վիրավորվել է ավելի քան 3.5 հազար մարդ:

Լիբանանի «Քաթաեբ» կուսակցության գլխավոր քարտուղար Նիզար Նաջարյանը մահացել է Բեյրութի նավահանգստում տեղի ունեցած պայթյունի ժամանակ ստացած վերքերից, հայտնում է Imlebanon-ը:

Օգոստոսի 4-ի երեկոյան Բեյրութի նավահանգստի մոտակայքում հզոր պայթյուն է տեղի ունեցել: Երկրի ՆԳՆ հայտարարել է, որ պայթել է նավահանգստի պահեստում պահվող ամոնիակի նիտրատը: