Երևանում ընթանում է բողոքի ցույց Նիկոլ Փաշինյանի հրաժարականի պահանջով

Հայաստանի մայրաքաղաքում վերսկսվել է վարչապետ Նիկոլ Փաշինյանի հրաժարականի պահանջով բողոքի ցույցը: Տեղեկությունը տարածում է հայկական մամուլը:

Ցուցարարները հավաքված են Երևանի Ազատության հրապարակում:

Հիշեեցնենք, որ վերջին անգամ Հայաստանի մայրաքաղաքում նման ցույց էր անցկացվել նոյեմբերի 18-ին: Վերջին մի քանի օրը ցուցարարներն արգելափակում էին տարբեր փողոցներ և պահանջում Փաշինյանի հրաժարականը: Նրանց մի մասին ձերբակալել են:

Ցույցի կազմակերպիչները 17 ընդդիմադիր կուսակցության առաջնորդներն են, որոնք երկրի վարչապետին մեղադրում են պետական շահերն անտեսելու և տարածքներն Ադրբեջանին փոխանցելու մեջ: Նրանց խոսքով, Փաշինյանը պետք է հրաժարական տա և երկրի խորհրդարանը պետք է ընտրի անցումային կառավարություն:

Հայաստանի վարչապետը, Ադրբեջանի նախագահը և Ռուսաստանի առաջնորդը նոյեմբերի 9-ին պայմանագիր են կնքել Լեռնային Ղարաբաղում հրադադարի մասին: Արդյունքում, տարածաշրջան են մեկնել ռուս խաղաղապահներ: Հայաստանի կառավարությունը համաձայնել է Ադրբեջանին փոխանցել Լեռնային Ղարաբաղի շուրջ գտնվող շրջանները:

Նյութի աղբյուր՝ 1tv.ge