Արձանագրվել սահմանափակումների խախտման 1652 դեպք

Վրաստանում ներքին գործերի նախարարության կողմից նախօրեին քովիդ-սահմանափակումների խախտման 1652 դեպք է արձանագրվել:

1,5 ամսվա դադարից հետո ՆԳՆ-ն վերականգնել է կորոնավիրուսի սահմանափակումների խախտման վիճակագրությունը:

Երկրում համաճարակային իրավիճակի վատթարացման հետ կապված` խստացվել է սահմանափակումների վերահսկողությունը. ուժի մեջ է բաց ու փակ հանրային վայրերում դիմակի ռեժիմն ու երեկոյան ժամերին դրսում տեղաշարժի արգելքը: Միայն նախօրեին դիմակի պահանջն անտեսելու համար 1 379 մարդ է տուգանվել (20 լարի` մոտ 6 դոլար), ևս 137 կրկնակի տուգանվել է դիմակ չկրելու համար (40 լարի):

Նախորդ գիշերվա ընթացքում պարետային ժամը խախտելու համար 135 տուգանք է նշանակվել, որոնցից մեկն` իրավաբանական անձի:

Վարակաբանների կանխատեսումներով` դիմակի ռեժիմը երկրում կպահպանվի առնվազն մեկ տարի, քանի դեռ բնակչության 70 տոկոսը չի պատվաստվել: aliq.ge