Համավարակի հետ կապված հարցերը կքննարկվեն այսօր
Համավարակի հետ կապված հարցերը այսօր կքննարկեն միջգերատեսչական համակարգող խորհրդի նիստում:
Վրաստանի էկոնոմիկայի և կայուն զարգացման նախարար Նաթիա Թուրնավայի խոսքով, խորհուրդը այսօր կքննարկի մի շարք հարցեր:
«Մենք դեռ ի վիճակի ենք վերահսկել իրավիճակը, առանց լուրջ սահմանափակումների: Իհարկե, դա երրորդ ալիքն է, և երրորդ ալիքը բնութագրվում է դրականության բարձր ցուցանիշով և ամենօրյա վարակվածությամբ, բայց միևնույն ժամանակ, մեզ համար գլխավորն այն է, որ խթանենք ավելի շատ պատվաստումներ», – հայտարարել է Նաթիա Թուրնավան:
Նրա խոսքով, զբոսաշրջային օբյեկտները ակտիվորեն ներգրավված են պատվաստումների գործընթացում: Ինչպես նշել է Թուրնավան, նա նույնպես պատրաստվում է պատվաստվել:
«Գիտեք, որոշ ժամանակ առաջ կառավարությունը որոշում կայացրեց առաջնահերթ նշանակություն տալ զբոսաշրջության արդյունաբերությանը պատվաստումների մասով, մենք սկսեցինք դիմումների ընդունումը: Գործընթացը բավականին լավ է ընթանում, ակտիվորեն ներգրավված են զբոսաշրջային օբյեկտները: Ես ինքս ծրագրում եմ պատվաստվել: Մենք վաղը շատ հարցեր կքննարկենք», – նշել է Նաթիա Թուրնավան:
Վրաստանում մայիսի 4-11-ը արձակուրդ է հայտարարվել: Մինչև մայիսի 12-ը գործում է քաղաքային տրանսպորտի վրա սահմանափակումը: Այնուամենայնիվ, 21:00-ից 05:00-ն տեղաշարժման սահմանափակումը մնում է ուժի մեջ:
Opinion, pooling and voting
