Ախալքալաքի Կոչիո և Կորխի գյուղերում պարգևատրել են «Մեր վրաց լեզուն» նախագծի մասնակիցներին
Շարունակվում է Վրաստանի Առաջին ալիքի «Մեր վրաց լեզուն» նախագծի մասնակիցների պարգևատրումը: Նախագծի թիմն այցելել է Սամցխե-Ջավախեթիի շրջան՝ Ախալքալաք, Կոչիո և Կորխի գյուղեր:
Վրացերենի առցանց օլիմպիադային մասնակցող 7-րդ և 8-րդ դասարանների աշակերտներին փոխանցվել են պատվոգրեր և խորհրդանշական նվերներ:
Ըստ նախագծի մասնակիցների, վրացերենի առցանց օլիմպիադան նրանց խրախուսել է սովորել վրացերեն:
Վրացերենի առցանց օլիմպիադան անցկացվում է արդեն երկրորդ տարին անընդմեջ՝ ադրբեջանալեզու և հայալեզու դպրոցների աշակերտների շրջանում: «Մեր վրացական լեզուն» նախագիծը շատ տարածված է այս դպրոցների աշակերտների շրջանում:
«Մեր վրացական լեզուն» նախագիծը նպատակ ունի մասսայականացնել վրացերենը: Նախագծի շրջանակներում վրացերեն լեզվից առցանց օլիմպիադա է անցկացվում ադրբեջանալեզու և հայալեզու դպրոցների աշակերտների համար, ամենօրյա ֆեյսբուքյան վիկտորինա և ազատ թեմայի մրցույթ:
Opinion, pooling and voting
