Բաթումիում կկառուցվի «Արմավենու կղզի» ինչպես Էմիրություններում
Բաթումում ցանկանում ենք կառուցել արհեստական «Արմավենու կղզի», ասել է Աջարիայի վարչապետ Թորնիկե Ռիժվաձեն «Իմեդի» հեռուստաընկերությանը տված հարցազրույցում:
Կղզու կառուցման համար, սկզբում, կիրականացվեն հետազոտություններ. Նպատակահարմա՞ր է արդյոք տնտեսական տեսանկյունից: Իշխանությունները հույս ունեն հավաքել «մի քանի հարյուր միլիոն դոլար»:
«Մենք արդեն պայմանավորվել ենք կոնկրետ ներդրումային խմբի հետ, որ Բաթումում արհեստական արշիպելագ կառուցվի: Բավականին մեծ ներդրումներ են նախատեսվում: Այս տարի մենք կսկսենք խորը ուսումնասիրություն: Մենք կհրավիրենք միջազգային ճարտարապետների, դիզայներների, շինարարների: Հենց հաստատվի նախագծի տնտեսական իրագործելիությունը, դրա շինարարությունը կսկսվի շատ շուտով », – ասել է Ռիժվաձեն:
«Մի կողմից, դա լինելու է յուրահատուկ նախագիծ իր նշանակությամբ, և մենք կկարողանանք համընթաց քայլել համաշխարհային առաջընթացի հետ և ստեղծել զբոսաշրջային նոր վայր ծովում, և, իհարկե, կհայտնվեն նոր տնտեսական հնարավորություններ և աշխատատեղեր», -հավելել է Ռիժվաձեն:
Պալմյան կղզիների արշիպելագը, որը բաղկացած է արմավենու տեսքով ձևավորված երեք խոշոր արհեստական կղզիներից, ստեղծվել է Արաբական Միացյալ Էմիրություններում՝ Դուբայում, 2000 -ականների սկզբին: Տեսարժան վայրը կոչվում է «աշխարհի ութերորդ հրաշալիքը»: Արշիպելագը կառուցված է շքեղ հյուրանոցներով, վիլլաներով, ջրաշխարհներով և լողափերով:
Opinion, pooling and voting
