Կալաձեն նշել է երկու խնդիր՝ կապված գործազրկության հետ
Պրոֆեսիոնալ կադրերի բացակայությունը և աշխատատեղերի պակասը Վրաստանում գործազրկության հիմնական խնդիրներն են, լրագրողներին ասել է Թբիլիսիի քաղաքապետ Կախա Կալաձեն։
Մայրաքաղաքի քաղաքապետը մեկնաբանել է Վրաստանի վարչապետ Իրակլի Ղարիբաշվիլիի՝ սոցիալապես անպաշտպան քաղաքացիների մասնագիտական վերապատրաստման և աշխատանքի տեղավորման նախաձեռնությունը։ Վարչապետի խոսքով, այսօր Վրաստանում կա մինչև 600 հազար սոցիալապես անպաշտպան, և նրանցից մոտ 200 հազարը աշխատունակ են, ուստի կառավարությունը նրանց ոչ միայն ֆինանսական օգնություն կտրամադրի, այլև կխթանի նրանց զբաղվածությունը։
«Ես տեսնում եմ, որ երկու խնդիր կա. շատ ընկերություններ աշխատակիցներ են փնտրում, բայց բավարար որակյալ կադրեր չկան, մենք նաև աշխատատեղերի պակաս ունենք»,- ասել է Կալաձեն։
Մայրաքաղաքի քաղաքապետը հիշեցրել է մունիցիպալ ծրագիրը, որը նախատեսում էր 5000 անձի մասնագիտական վերապատրաստմանը՝ Թբիլիսիում։
«Ուսումնասիրություն և աշխատանք» ծրագիրը լավ է ընթանում: Մենք հստակ գիտենք, թե բիզնես ոլորտը ինչ որակյալ մասնագետներ է փնտրում, և մենք ուսուցում ենք անցկացնում հենց դա նկատի ունենալով: Հատկանշական է, որ մարդիկ վերապատրաստվելուց հետո աշխատանք գտան: Մենք մարդկանց պետք է տարբեր ծրագրեր առաջարկենք. դա նրանց կօգնի աշխատանքի տեղավորման հարցում»,- ասել է քաղաքապետը։
«Ուսումնառություն և աշխատանք» ծրագրի նպատակն է քաղաքացիների մասնագիտական վերապատրաստումը աշխատաշուկայում պահանջարկ ունեցող մասնագիտություններով՝ շինարարության, ծառայությունների, արտադրության, դիզայնի, սննդի, տրանսպորտի, անասնաբուժության, ֆինանսների, ճարտարագիտության և տեղեկատվական տեխնոլոգիաների ոլորտներում:
Թբիլիսիի բնակիչները կարող են անվճար վերապատրաստվել չորս մասնագիտական քոլեջներում՝ «Իկարուս», «Մերմիս», «Սպեկտրում» և «Գլդանի» մասնագիտական ուսուցման կենտրոնում:
Ծրագիրը մեկնարկել է 2018թ. Երեք տարիների ընթացքում (2018-2020թթ.) քաղաքապետարանը ներգրավել է ավելի քան 4,5 հազար քաղաքացու, որոնց մեծ մասն արդեն աշխատանքի է տեղավորվել։
Վրաստանում զբաղվածության խնդիրը լուրջ մարտահրավեր է երկրի կառավարության համար։ Գործազրկության մակարդակը 2021 թվականի երրորդ եռամսյակում 2020 թվականի նույն ժամանակահատվածի համեմատ աճել է 2,5 տոկոսով և կազմել 19,5 տոկոս։
Opinion, pooling and voting
