Ի՞նչ մակարդակի վրա է գտնվում պետական լեզվի իմացությունը՝ Նինոծմինդայում
NOR ռադիոկայանը փորձել է, պարզել, թե ինչ մակարդակի վրա է գտնվում պետական լեզվի իմացությունը Սամցխե-Ջավախքում և ինչպես է ազդել կորոնավիրուսը պետական լեզվի դասավանդման գործընթացի վրա։ Այս և մի քանի հարցերի պատասխաններ ստանալու համար դիմել ենք Զուրաբ Ժվանիայի անվան դպրոցի Սամցխե – Ջավախեթիի ներկայացուցիչ Ժուժունա Բանձելաձեին։
Նախկինում ի՞նչ մակարդակում էր վրացերենի իմացությունը Սամցխե-Ջավախքում և ինչպիսի՞ն է այն այժմ:
– Այս հարցի պատասխանը դուրս է Ժվանիայի դպրոցի իրավասություններից, սակայն, հաշվի առնելով, որ դպրոցն այս ուղղությամբ աշխատում է արդեն 16 տարի, այն իրականացնում է ազգային փոքրամասնությունների լեզվի ուսուցման և ինտեգրման պետական ծրագիր՝ հաշվի առնելով շահառուների աճող թիվը (8931): Շահառուները վերապատրաստվում են Սամցխե-Ջավախքում 2014թ.-ից և Սամցխե-Ջավախքում վրացերենի իմացության մակարդակը բարելավվել է։
Ինչպիսի՞ն է վրացերենի իմացության զարգացվածությունը Նինոծմինդայի մունիցիպալիտետում։
– Ինչ վերաբերում է Նինոծմինդայի մունիցիպալիտետին, ապա կարող ենք տեղեկացնել, որ այստեղ էլ վրաց լեզվի իմացության զարգացման մակարդակը բարելավվում է։
Նինոծմինդայի մունիցիպալիտետի Ժվանիայի անվան դպրոցի պետական լեզվի ուսուցման և ինտեգրման ծրագրից 2014 թվականից օգտվել է 2812 շահառու։
Ի՞նչ ազդեցություն ունեցավ կորոնավիրուսը դասընթացների վրա։ Ստեղծե՞ց խոչնդոտներ։
–Համաճարակը ի սկզբանե որոշակի խնդիրներ ստեղծեց, սակայն դպրոցն ամենակարճ ժամանակում (2 շաբաթ) անցավ հեռավար ուսուցման ռեժիմի։ Ներկայումս ուսուցումն իրականացվում է հեռավար ռեժիմով, և շահառուների հետաքրքրությունը չի թուլացել, ընդհակառակը, աճել է, բայց նրանք ունեն տարբեր տեխնիկական խնդիրներ՝ ինտերնետի վատ որակ և հոսանքազրկումներ:
Ի՞նչ ծրագրեր ունեք Սամցխե-Ջավախքի էթնիկ փոքրամասնությունների վրացերենի իմացության մակարդակի հետագա զարգացման համար:
–Սամցխե-Ջավախքում պետական լեզուն սովորել ցանկացողների թիվը բավականին մեծ է, և դա կապված է տարբեր նպատակների հետ՝ կրթություն, աշխատանք, մասնագիտական զարգացում և պետության կողմից առաջարկվող բոլոր ծառայություններից օգտվելը։
Ժվանիա դպրոցն աշխատում է նոր ծրագրերի վրա և պատրաստ է վերապատրաստել ավելի շատ շահառուների, ինչի համար դպրոցն ունի և՛ մարդկային, և՛ նյութական ռեսուրսներ։
Opinion, pooling and voting
