Ռուսաստանը արտաքսում է 34 ֆրանսիացի դիվանագետի
Ռուսաստանը, ի պատասխան, պերսոնա նոն գրատա է հայտարարել Ռուսաստանում ֆրանսիական դիվանագիտական հաստատությունների 34 աշխատակիցների, որոնք երկու շաբաթվա ընթացքում պետք է լքեն երկիրը։ Այս մասին ասված է ՌԴ ԱԳՆ հաղորդագրության մեջ, որը տարածվել է չորեքշաբթի։
«Մայիսի 18-ին Ֆրանսիայի Հանրապետության դեսպան Պիեռ Լևին կանչվել է ՌԴ ԱԳՆ, ում խստորեն բողոքել են Ֆրանսիայի իշխանությունների սադրիչ և չարդարացված որոշման առնչությամբ՝ Ֆրանսիայում ռուսական դիվանագիտական հաստատությունների 41 աշխատակիցներին պերսոնա նոն գրատա հայտարարելու վերաբերյալ: Ընդգծվել է, որ այս քայլը լուրջ վնաս է հասցնում ռուս-ֆրանսիական հարաբերություններին և կառուցողական երկկողմ համագործակցությանը։
«Ի պատասխան՝ ՌԴ-ում ֆրանսիական դիվանագիտական հաստատությունների 34 աշխատակիցներ հայտարարվել են պերսոնա նոն գրատա, նրանց հանձնարարվել է լքել Ռուսաստանի տարածքը՝ համապատասխան նոտան դեսպանին հանձնելու պահից երկու շաբաթվա ընթացքում»,- հավելել են ՌԴ ԱԳՆ-ից։
Ֆրանսիական արձագանքը
Ֆրանսիան ափսոսում է ֆրանսիացի դիվանագետներին Մոսկվայից վտարելու Ռուսաստանի որոշման համար և այն համարում է անհիմն, ճեպազրույցի ժամանակ հայտարարել է Ֆրանսիայի ԱԳՆ ներկայացուցիչը։
«Ռուսաստանի իշխանությունների որոշումը իրավական հիմքեր չունի,- ասել է դիվանագետը,- մենք կարող ենք միայն ափսոսալ դրա համար։
Opinion, pooling and voting
