Ինչ կլինի օրգանիզմի հետ չափից շատ մանդարին ուտելու դեպքում

Ինչ կլինի օրգանիզմի հետ չափից շատ մանդարին ուտելու դեպքում

Մանկաբույժ Դարյա Մասլեննիկովան պատմել է, թե ինչ կլինի օրգանիզմի հետ ամեն օր մեծ քանակությամբ մանդարին ուտելու դեպքում։

Նրա խոսքով, եթե մարդը չափից շատ տարվի մանդարիններով, ապա նրա մոտ կարող է առաջանալ պսևդոալերգիկ ռեակցիա՝ մաշկի ցան, որը նման է ալերգիկ ցանի։ Հակահիստամինային դեղամիջոցները կօգնեն հաղթահարել քորը, իսկ ցանն ինքնին կանցնի որոշ ժամանակով մանդարինից հրաժարվելու դեպքում։

Մասլեննիկովան նշել է, որ տեսականորեն մանդարինի ինտենսիվ օգտագործումից մաշկը կարող է նույնիսկ դեղնել։

«Մանդարինները պարունակում են բետա-կարոտին, որը մրգին տալիս է ուրախ նարնջագույն երանգ: Բարեբախտաբար, վառ մրգերի կարոտինային դեղնախտի զարգացման համար անհրաժեշտ է իսկապես շատ ուտել», – ասել է մասնագետը:

Մասլեննիկովան խորհուրդ է տալիս մանդարին չուտել դատարկ ստամոքսին։ Նրա խոսքով՝ այս դեպքում կիտրոնաթթուն և ասկորբինաթթուն կարող են մեծացնել ախորժակը և սրել գաստրիտը կամ ստամոքսի և տասներկումատնյա աղիքի խոցը։

Ճիշտ օգտագործելու դեպքում մանդարինը շատ օգտակար հատկություններ ունի։ Այս մրգերը պարունակում են C, A, B վիտամիններ և բջջանյութ: Բացի այդ, պետք չէ անտեսել մանդարինի կեղևը և սպիտակ թաղանթները:

«Մանդարինի կեղևի եթերայուղերը նպաստում են լավ քնին: Իսկ մանդարինի միջուկի սպիտակ թաղանթները պարունակում են ֆլավոնոիդ նոբիլետին: Այն ունի ընդգծված հակաբորբոքային ազդեցություն և պաշտպանում է օրգանիզմը ավելորդ ազատ ռադիկալներից, կանխում է օքսիդատիվ սթրեսը»,- ավելացրել է Մասլեննիկովան: