Մոտ ապագայում մեքենաների էժանացման պետք չէ սպասել

Մոտ ապագայում մեքենաների էժանացման պետք չէ սպասել

Ավտոներկրողները խոսում են ինչպես օգտագործված, այնպես էլ նոր մեքենաների թանկացումների մասին։ Ավտոներմուծողների ասոցիացիայի տվյալներով՝ համաճարակից հետո գների աճի միտումը շարունակվում է նաև այսօր՝ լոգիստիկ ծախսերի ավելացման ֆոնին։ Ասոցիացիայի նախագահի կարծիքով՝ սպառողները շուկայում գների նվազում դեռ չպետք է սպասեն։

«Օգտագործված մեքենաները թանկացել են Ամերիկայում, Եվրոպայում, աշխարհում ամենուր։ Թանկացան նաև նոր մեքենաները։ Սրան գումարվում է տրանսպորտի արժեքը, որը նույնպես աճել է։

Ուստի, հաշվի առնելով այս ամենը, միջինում մեքենաները թանկանում են 15-20 տոկոսով։ Ըստ այդմ, մոտ ապագայում մեքենաների էժանացում պետք չէ սպասել»,- bm.ge-ի հետ զրույցում ասել է Ավտոներմուծողների ասոցիացիայի նախագահ Լաշա Դարբաիսելին։

Տեղեկացնենք, որ 2022 թվականի 10 ամիսների ընթացքում ներմուծման ամենամեծ ապրանքախումբը եղել է թեթև մեքենաները, որոնց ներմուծումը կազմել է 1223 մլն դոլար, որը կազմում է ամբողջ ներմուծման 11,4%-ը։