Վրաստանի հետ վիզային ռեժիմի ազատականացման մասին որոշումը կընդունվի հաջորդ շաբաթ
Եվրոպական հարևանության քաղաքականության հարցերով Եվրամիության հանձնակատար Յոհանես Հանը հույս է հայտնել, որ Վրաստանի հետ վիզային ռեժիմի վերացման մասին որոշումը, ամենայն հավանականությամբ, կընդունվի հաջորդ շաբաթվա ընթացքում։
«Հուսով եմ, որ հաջորդ շաբաթ Վրաստանը վերջնակապես առանց վիզային ռեժիմ կստանա, քանի որ արժանի է դրան»,- հայտարարել է Հանը՝ Եվրոպայի խորհրդի խորհրդարանական վեհաժողովում ունեցած ելույթում:
Եվրոպական հարևանության քաղաքականության հարցերով ԵՄ հանձնակատարը նշել է նաև, որ Վրաստանը քրտնաջան աշխատանք է տարել այդ ուղղությամբ. «Վրաստանը 2015-ին ստանձնած բոլոր պարտականությունները կատարել է»:
Եվրոպացի բարձրաստիճան պաշտոնյան ասել է նաև, որ մուտքի արտոնագրի ազատականացումից հետո Վրաստանն էլ ավելի կմոտենա Եվրոպական ընտանիքին։
Եվրախորհրդարանի լիագումար նիստում Վրաստանի հետ վիզային ռեժիմի ազատականացման հարցի շուրջ քվեարկույթյունը նախատեսված է փետրվարի 2-ին։