Հում նավթն ու գազը թանկացել են. որքա՞ն արժե վառելիքը Վրաստանում

Համաշխարհային շուկայում վառելիքի գները կրկին բարձրանում են:

Այս պահին Brent տեսակի նավթի գինը բարձրացել է մինչև 74 դոլար, իսկ WTI Crude-ի գինը հասել է 69 դոլարի։

Ընդհանուր առմամբ, մեկ տարվա ընթացքում միջազգային բորսայում նավթի գինը նվազել է 35%-ով։

Ինչ վերաբերում է ռուսական նավթին, ապա բորսայում «Ուրալի» մեկ բարելի գինը 55,35 դոլար է, ինչը մեկ շաբաթվա ընթացքում 4,5 տոկոսով նվազում է։ Նշենք, որ սա ուրբաթ օրվա վերջին առևտրային նստաշրջանում ամրագրված գինն է, որը հաշվի չի առնում «Վագներ»- ի ապստամբության փաստը։

Աճի միտում է նկատվում նաև բնական գազի մասով, մեկ օրում եվրոպական գազի գինը բարձրացել է 12%-ով, իսկ մեգավատ/ժ էներգիայի արժեքը հասել է 36 եվրոյի։

Նշենք, որ նավթ ներմուծողների միության տվյալներով՝ ԱՄՆ էներգետիկայի նախարարության տարածած տեղեկատվության համաձայն՝ վերջին շաբաթվա ընթացքում ԱՄՆ-ում հում նավթի պաշարները նվազել են 3,83 մլն բարելով և կազմել 463,293 մլն բարել։

«Business Press News»-ը հետաքրքրվել է, թե ինչ արժե վառելիքը Վրաստանում։

5 խոշորագույն բենզալցակայաններում (Վիսոլ, Լուկոիլ, Գալֆ, Ռոմպետրոլ, Պորտալ) սուպեր վառելիքն արժե 3,57 լարի, միայն «Սոկար»-ում՝ 3,49 լարի։

Պրեմիումի գինը կազմում է 2,68 լարիից մինչև 2,77 լարի: Կանոնավոր գինը 2.40 լարիից մինչև 2.52 լարի։

Ինչ վերաբերում է գազին, ապա բրենդային լցակայաններում դրա գինը տատանվում է 1,55 լարիից մինչև 1,69 լարի։

---

---