Մի գնեք կասկածելի ծագման միս. Պարենի ազգային գործակալությունը զգուշացնում է բնակչությանը
Պարենի ազգային գործակալությունը հորդորում է բնակչությանը միս չգնել անկազմակերպ առևտրի օբյեկտներից, որտեղ ներկայացված չէ անասնաբուժական վերահսկողության փաստաթուղթը՝ Ձև 2։
Ստացվել է տրիխինելոզի կլինիկորեն հաստատված դեպքի ևս մեկ ծանուցում Հիվանդությունների վերահսկման և հանրային առողջության ազգային կենտրոնից:
Ծանուցումը ստանալով՝ գործակալության Իմերեթիի տարածաշրջանային ստորաբաժանման ներկայացուցիչները պետական հսկողություն են իրականացրել Քութաիսիի այսպես կոչված կենտրոնական շուկայում և միս վաճառող բիզնես-օպերատորների մոտ։ Հետաքննությունը շարունակվում է։
Այս անգամ հիվանդը Ծղալտուբոյի մունիցիպալիտետից է։ Նրա պարզաբանմամբ՝ միսը գնել է Կենտրոնական շուկայում, սակայն, չի կարող հստակ վայրը նշել։
Վերջին երկու ամսում հանրապետությունում գրանցվել է տրիխինելոզով հիվանդացության հինգերորդ դեպքը։
Պարենի ազգային գործակալությունը հորդորում է բնակչությանը միս չգնել անկազմակերպ առևտրի օբյեկտներից, որտեղ ներկայացված չէ անասնաբուժական վերահսկողության փաստաթուղթը՝ Ձև 2։
Տրիխինելոզը հիվանդություն է, որով մարդիկ կարող են վարակվել՝ ուտելով տրիխինելլա միկրոսկոպիկ մակաբույծով վարակված կենդանիների (խոզեր, այլ վայրի կենդանիներ և ձիեր) միս։
«Միսն աղելը, ծխելը և չորացնելը չի սպանում մակաբույծին»,- ասվում է Սննդի ազգային գործակալության տեղեկատվության մեջ։
Opinion, pooling and voting
