Սեմեկը տուգանել է «Էներգո-Պրո Ջորջիա»-ին՝ 75.000 լարիով
Վրաստանի էներգետիկայի և ջրամատակարարման ազգային կարգավորող հանձնաժողովը տուգանել է «Թելասի» և «Էներգո-Պրո Ջորջիա» ԲԲԸ-ին 75 հազարական լարիով՝ էլեկտրամատակարարման հուսալիության ցուցանիշների վատթարացման և հանձնաժողովի էլեկտրոնային ամսագրում թերի տեղեկատվության գրանցման պատճառով։
Սեմեկի խոսքով՝ ընկերություններին պարտավորեցրել են պետական բյուջե վճարել սահմանված տուգանքները։
«Համաձայն Դավիթ Նարմանիայի որոշման, կարգավորող հանձնաժողովում ստեղծված մոնիտորինգի աշխատանքային խումբն իրականացրել է «Թելաս» ԲԲԸ-ի և «Էներգո-Պրո Ջորջիա» ԲԲԸ-ի կողմից էլեկտրամատակարարման հուսալիության (շարունակականության) ցուցանիշների հսկողությունը։ Մասնավորապես, ուսումնասիրվել է 2022 թվականին ընկերությունների կողմից էլեկտրամատակարարման հուսալիության մասին տեղեկատվությունը` մեկ բաժանորդի էլեկտրամատակարարման միջին տևողությունը և մեկ բաժանորդի էլեկտրամատակարարման ընդհատումների միջին հաճախականությունը:
Ուսումնասիրության և վերլուծության արդյունքում պարզվել է, որ «Թելաս» ԲԲԸ-ի և «Էներգո-Պրո Ջորջիա» ԲԲԸ-ի կողմից էլեկտրամատակարարման հուսալիության ցուցանիշները 2022 թվականին 2021 թվականի համեմատ ավելի վատ են եղել։ Բացի այդ, Հանձնաժողովի էլեկտրոնային ամսագրում ամբողջությամբ չի արտացոլվել այս առնչությամբ տեղեկատվությունը։
«Թելաս» ԲԲԸ-ին և «Էներգո-Պրո Ջորջիա» ԲԲԸ-ին հանձնարարվել է վերլուծել 2022 թվականին էլեկտրաէներգիայի հուսալիության վրա բացասաբար ազդող գործոնները և մինչև 2023 թվականի սեպտեմբերի 1-ը հանձնաժողովին ներկայացնել դրանց ուղղման պլան-ժամանակացույց, ասել է Սեմեկը։
Opinion, pooling and voting
