2016 թվականից ի՞նչ աշխատանքներ են անավարտ մնացել
Նինոծմինդայի մունիցիպալիտետում 2016 թվականից անավարտ են մնացել մի շարք աշխատանքներ, որոնց համար նախատեսված էր ծախսել շուրջ 400 հազար լարի:
Հունվարի 31-ին պատգամավոր Հենզել Մկոյանի Նինծմինդայի մունիցիպալիտետի սակրեբուլոյի և գամգեոբայի աշխատակիցների հետ հանդիպման ժամանակ սակրեբուլոյի նախագահ Սմբատ Կյուրեղյանը նշեց, որ որոշակի պատճառներով անավարտ են մնացել Դիլիֆ, Հեշտիա և Գորելովկա գյուղերի մանկապարտեզներում տարվող աշխատանքները, Ուչմանա և Մեծ Արագյալ գյուղերում ջրավազանների կառուցման աշխատանքները և Սաթխա գյուղում ջրագծի տարման աշխատանքները: Վերջինիս անավարտ մնալու պատճառը տվյալ ոլորտի մասնագետների պակասն է:
Նինոծմինդա քաղաքում անավարտ են մնացել մարզասրահի վերանորոգման, գերեզմանատան ցանկապատման, կոյուղիների և վարչական շենքի հետ կապված աշխատանքները: Նիստի ընթացքում որոշվեց, որ վերոնշյալ անավարտ աշխատանքները պետք է անպայման ավարտին հասցվեն 2017 թվականին:
Մանրամասները լսեք մեր նյութում.
Անաիտ Զալալյան