Թբիլիսիում ավտոմեքենան վրաերթի է ենթարկել հղի կնոջ. նա տեղում մահացել է
Թբիլիսիի Գլդանի թաղամասում մեծ արագությամբ ընթացող մեքենան վրաերթի է ենթարկել երիտասարդ հղի կնոջ։ Կինը, ով 25 տարեկան էր, տեղում մահացել է։
Ըստ ՆԳՆ-ի՝ մեքենայի վարորդը բերման է ենթարկվել։ Ականատեսները պնդում են, որ նա հարբած է եղել, սակայն փորձաքննությունից պաշտոնական ապացույց դեռ չկա։ Կատարվում է հետաքննություն.
Մեծ արագությամբ ընթացող մեքենան բախվել է նաև կցասայլին, ինչի հետևանքով բեռնատարը կորցրել է կառավարումը և վնասել գազատարը։
«Tbilisi Energy» գազաբաշխիչ ընկերությունը հաստատել է, որ վթարի ժամանակ վնասվել է գազի խողովակը, և եղել է պայթյունի վտանգ։ Գազն արգելափակվել է, վայր են մեկնել ընկերության ներկայացուցիչները։
Opinion, pooling and voting
