Փրկարարները Շովի աղետի գոտում հայտնաբերել են ևս չորս դի

Շովի աղետի գոտում որոնողափրկարարական աշխատանքների ընթացքում փրկարարները հայտնաբերել են ևս չորս դի։ Այս մասին տեղեկությունը Վրաստանի Առաջին ալիքին հաստատել են ՆԳՆ-ից։

Այս պահին առկա պաշտոնական տվյալների համաձայն՝ տարերային աղետի հետեւանքով արդեն վեց մարդ է զոհվել։ Երեկ փրկարարները սողանքի հետեւանքով երկու մահացածի դի են հայտնաբերել։

Օնի մունիցիպալիտետի աղետի գոտում արդեն երկրորդ օրն անընդմեջ որոնողափրկարարական աշխատանքներ են ընթանում, որին ներգրավված են մոտ 400 հրշեջներ և ՆԳՆ տարբեր գերատեսչությունների աշխատակիցներ։ Այսօր առավոտյան ժամը 06:00-ից սահմանապահ ծառայության երկու ուղղաթիռներ ներգրավվել են փրկարարական աշխատանքներին։

Այս պահին աղետի գոտուց անվտանգ վայր է տեղափոխվել եւս 140 մարդ։

Ուշ գիշերը աղետի գոտի է ժամանել փրկարարների լրացուցիչ խումբ, տեղում մոբիլիզացվել է հատուկ տեխնիկա և ծանր տեխնիկա։

Օնի մունիցիպալիտետի Գլոլա գյուղում ստեղծվել է Արտակարգ իրավիճակների կառավարման ծառայության շարժական շտաբ։

Շովիում դեպքի առնչությամբ ակտիվացել է թեժ գիծ, ​​որի թիվը 598 913 089 է։

Տարածաշրջանային զարգացման և ենթակառուցվածքների նախարար Իրակլի Կարսելաձեի խոսքով՝ այս պահին աղետի գոտում հնարավոր չէ կապ հաստատել 35 մարդու հետ։

---

---