Պուտինի այցը Թուրքիա սպասվում է օգոստոսի վերջին

Ռուսաստանի նախագահ Վլադիմիր Պուտինի այցը Թուրքիա սպասվում է օգոստոսի վերջին շաբաթվա ընթացքում, պնդում է կառավարամետ Hurriyet թերթը՝ հղում անելով իր աղբյուրներին։

Նրա խոսքով, Ռուսաստանի ղեկավարի և նրա թուրք գործընկեր Ռեջեփ Թայիփ Էրդողանի բանակցությունների օրակարգում կլինեն հացահատիկի գործարքի վերականգնումը, երկկողմ հարաբերությունները, Թուրքիայի, Ադրբեջանի և Հայաստանի հարաբերությունները, ինչպես նաև Թուրքիայի և  Սիրիայի միջև հարաբերությունների կարգավորումը։

Ռուսաստանի և Թուրքիայի նախագահներն օգոստոսի 2-ին հեռախոսազրույց են ունեցել, որի ընթացքում պայմանավորվել են նախապատրաստել հնարավոր հանդիպումը։

Օգոստոսի 4-ին Էրդողանը լրագրողներին ասել է Պուտինի՝ Թուրքիա այցի հնարավորության մասին։ shannews.am

• Նախատեսված է Վլադիմիր Պուտինի և Վլադիմիր Զելենսկիի այցերը Թուրքիա․ Լրատվամիջոցներ

---

---