Իսպանիայում եղանակային նախազգուշացում է հայտարարվել արտակարգ շոգի պատճառով

Իսպանիայի պետական ​​օդերևութաբանական գործակալությունը գրեթե ամբողջ թագավորության տարածքում անբարենպաստ եղանակի մասին նախազգուշացում է հայտարարել սաստիկ շոգի պատճառով։ Այս մասին տեղեկանում է գերատեսչության կայքից։

Նահանգների մեծ մասում տագնապի մակարդակը բարձրացվել է մինչև դեղին (վտանգավոր) և նարնջագույն (մեծ վտանգ): Կանխատեսումների համաձայն՝ օդի ջերմաստիճանը կարող է գերազանցել Ցելսիուսի սանդղակով 44 աստիճանը։

Անբարենպաստ եղանակի նախազգուշացում է հայտարարվել առաջիկա մի քանի օրվա համար։ Մադրիդում սպասվում է, որ ջերմաչափի սնդիկի սյունը կբարձրանա մինչև 40 աստիճան։

Իսպանիայում ջերմաստիճանային ռեկորդ էր գրանցվել 2021 թվականի օգոստոսին․ երկրի հարավում գտնվող Լա Ռամբլա բնակավայրում ջերմաստիճանը հասել էր 47,6 աստիճանի: 1in.am

• Նյարդաբանը նշել է, թե ովքեր կարող են շոգին գլխացավ ունենալ

---

---