Հռոմի պապը կործանարար ներուժ է տեսնում արհեստական ինտելեկտի մեջ
Հռոմի Ֆրանցիսկոս պապը գիտակցել է արհեստական ինտելեկտի առաջընթացի ազդեցությունը մարդու կյանքի վրա և զգուշացրել է նման տեխնոլոգիաների պատասխանատու օգտագործման կարևորության մասին։ Այս մասին ասված է Սուրբ Աթոռի կայքում հրապարակված Խաղաղության համաշխարհային օրվա հաղորդագրության մեջ։
«Կոչ եմ անում բաց երկխոսություն սկսել նոր տեխնոլոգիաների նշանակության մասին, որոնք օժտված են կործանարար ներուժով և երկակի հետևանքներով։ Պետք է զգոն լինել և թույլ չտալ, որ բռնության և խտրականության գաղափարները արմատավորվեն այս սարքերում»,- ասել է հովվապետը։
Նա հավելել է, որ անհատի արժանապատվությունը պաշտպանելը և մարդկանց միջև եղբայրության մասին հոգալը անհրաժեշտ պայմաններ են տեխնոլոգիական զարգացման համար՝ արդարության և խաղաղության պահպանմամբ։
«Անհրաժեշտ է հաստատել արհեստական ինտելեկտի ճիշտ օգտագործումը, որպեսզի այն կարողանա ծառայել մարդկությանը և պաշտպանել մեր ընդհանուր տունը»,- եզրափակել է Հռոմի պապը։
2019 թվականին Հռոմի պապ Ֆրանցիսկոսը մարդկանց կոչ է արել թողնել իրենց սմարթֆոնները և զրուցել սիրելիների հետ։ Նրա խոսքով՝ անձնական շփումը ցանկացած քրիստոնյայի համար կարեւոր խնդիր է։ shantnews.am
Opinion, pooling and voting
