Մառնեուլիում ամուսինը սպանել է կնոջը
Վրաստանի դատախազությունը մեկ անձի մեղադրանք է առաջադրել Մառնեուլիի մունիցիպալիտետում դիտավորյալ սպանության փաստով Վրաստանի Քրեական օրենսգրքի 11-րդ պրիմա 109-րդ հոդվածով, որը վերաբերում է ընտանիքի անդամի դիտավորությամբ սպանությանը։
Միաժամանակ գործակալությունը հայտարարություն է տարածում.
«Վրաստանի դատախազությունը Մառնեուլիի մունիցիպալիտետում դիտավորյալ սպանության մեղադրանքով մեղադրական եզրակացություն է ներկայացրել մեկ անձի նկատմամբ։
ՆԳՆ-ի կողմից իրականացված հետաքննության արդյունքում պարզվել է, որ օգոստոսի 19-ին Սադախլո գյուղում ամուսինը կրծքավանդակի հատվածում դանակով կյանքին վտանգ սպառնացող վնասվածք է պատճառել կնոջը ընտանեկան կոնֆլիկտի արդյունքում։ Տուժածը ստացած վնասվածքներից մինչ հիվանդանոց տեղափոխվելը մահացել է։
Իրավապահները նույն օրը ձերբակալել են մեղադրյալին։ Նրան մեղադրանք է առաջադրվել Վրաստանի քրեական օրենսգրքի 11-րդ պրիմա 109-րդ հոդվածով (դիտավորյալ սպանություն, որը կատարվել է ընտանիքի անդամի նկատմամբ), որը նախատեսում է 16-ից 20 տարվա ազատազրկում կամ ցմահ ազատազրկում։
Դատախազությունը օրենքով սահմանված ժամկետում կդիմի դատարան՝ մեղադրյալի նկատմամբ կալանավորումը որպես խափանման միջոց կիրառելու մասին միջնորդությամբ»,- ասված է հաղորդագրությունում։
Հիշեցնենք, որ այսօր՝ օգոստոսի 20-ին, տղամարդը Մառնեուլիում սպանել է կնոջը։ Ոստիկանությունը ձերբակալել է մի տղամարդու՝ կնոջը սպանելու մեղադրանքով։ Ներքին գործերի նախարարությունը հայտնում է, որ հետաքննությունը ընթանում է Քաղաքացիական օրենսգրքի 11-րդ պրիմա 109-րդ հոդվածով, որը վերաբերում է ընտանիքի անդամի դիտավորյալ սպանությանը:
Opinion, pooling and voting
