Ինչ՞ու է կասեցվել Նինոծմինդայում բազմաբնակարան շենքերի երեսպատման աշխատանքները

Նինոծմինդա քաղաքի Ազատության փողոցում մի քանի օր է, ինչ դադարեցվել են բազմահարկ շենքերի ճակատների վերանորոգման աշխատանքները։

Հուլիսի կեսերից սկսվել են բազմահարկ շենքերի ճակատների վերանորոգումը։ Նախագծով նախատեսվում է շենքերի ճակատների վերանորոգում հետևյալ հասցեներում.

• Ազատություն #7, #8, #9, #10, #12, #21, #54 և #56
• Տերյան #24
• Հովսեփյան թիվ 18

Աշխատանքներն իրականացնում է X-2 ՍՊԸ-Ն։ Տեղական բյուջեից այս աշխատանքների համար հատկացվել է 675 391 լարի։

Նինոծմինդայի քաղաքապետարանի ենթակառուցվածքների ծառայությունից մեզ հայտնեցին, որ աշխատանքներն ընթանում են բնականոն հունով։ Սակայն, ըստ NOR ռադիոյի այցելած որոշ հասցեներում, մասնավորապես՝ Ազատության փողոցի 7, 8, 9 հասցեներում շենքերի ճակատային հատվածները չեն ավարտվել և արդեն 5 օր է կասեցված են։ Բայց Ազատության 54 և 56 հասցեներում ապրողներն ասում են, որ այս շենքերում աշխատանքները բնականոն հունով են ընթանում։ «Լինում են [աշխատակիցները], երբեմն գալիս են, հիմա այստեղ չեն, բայց որքան գիտեմ ամեն օր աշխատում են»,- ասում է այս շենքում ապրող կանանցից մեկը։

Ընկերության ներկայացուցիչ Գիորգի Խոզրեւանիձեն NOR ռադիոկայանին ասել է, որ աշխատակիցները չեն պատրաստվում աշխատել Մարիամոբայի պատճառով [Սուրբ Մարիամի տոնը, որը նշվում է օգոստոսի 28-ին], սակայն շուտով կվերադառնան իրենց աշխատանքին։

Նշենք, որ բնակչության մի մասը դժգոհ է կատարված աշխատանքից։ Ազատության թիվ 7 հասցեում գտնվող բնակելի շենքի հարեւանությամբ գտնվող մասնավոր կառույցի պատերը կիսով չափ ներկված են։ Սակայն հայտնի չէ՝ դա արվել է այս պատերը ամբողջությամբ ներկելու, թե գլանակը «մաքրելու» համար։

Աշխատանքային պլանը ներառում է պատերից հին ավազ-ցեմենտի մնացորդների հեռացում, ինչպես նաև դրանք նորից սվաղում և ճակատի ներկում անջրանցիկ ներկով։ Նախատեսվում է նաև ապամոնտաժել մուտքերի պատուհանները և տեղադրել մետաղապլաստե պատուհաններ, ինչպես նաև վերանորոգել տանիքը և տեղադրել ջրատար։

Համառոտ «X – 2»-ի մասին
X 2 ընկերությունը գրանցվել է 2021 թվականի ապրիլի 7-ին և գտնվում է Խուլոյի մունիցիպալիտետի Գանախլեբա գյուղում։ Մինչ այժմ նա մասնակցել է 20 մրցույթի, որից 2-ում հաղթող է ճանաչվել, իսկ ներկայումս անցկացվում է 1 մրցույթ։

Գիորգի Խոզրեւանիձեն որպես անհատ ձեռնարկատեր գրանցվել է նաեւ 2014թ.

---

---