Ջոզեֆ Բորելն այսօր կայցելի Վրաստան
Եվրամիության բարձրագույն ներկայացուցիչ, Եվրահանձնաժողովի փոխնախագահ Ջոզեֆ Բորելը այսօր կայցելի Վրաստան։
Եվրամիության արտաքին գործողությունների ծառայությունը նշում է, որ Բորելի առաջին պաշտոնական այցը երկիր իր ներկայիս կարգավիճակով թույլ կտա նրան քննարկել առաջընթացը Վրաստանի եվրաինտեգրման ճանապարհին, ինչպես նաև կարծիքներ փոխանակել ավելի լայն արտաքին քաղաքականության և տարածաշրջանային հարցերի շուրջ:
Այցի շրջանակներում բարձր ներկայացուցչին կընդունի Վրաստանի նախագահ Սալոմե Զուրաբիշվիլին։ Եվրամիության բարձր ներկայացուցիչը կհանդիպի նաև Վրաստանի վարչապետ Իրակլի Ղարիբաշվիլիի հետ։ Վարչապետի հետ հանդիպումից հետո տեղի կունենա համատեղ մամուլի ասուլիս։
Բորելն կհանդիպի նաև Վրաստանի արտաքին գործերի նախարար Իլիա Դարչիաշվիլիի հետ։
«Եվրամիության փոխնախագահը խորհրդարանում կհանդիպի բոլոր քաղաքական կուսակցությունների ներկայացուցիչների հետ և քննարկում կանցկացնի քաղաքացիական հասարակության ներկայացուցիչների հետ։
Այցի ընթացքում Բարձր ներկայացուցիչը, փոխնախագահը նշելու է Վրաստանում Եվրամիության դիտորդական առաքելության ներկայության 15-ամյակը, որն արտացոլում է Եվրամիության հանձնառությունը Վրաստանի անվտանգությանը և հակամարտությունների խաղաղ կարգավորմանը։ Այն կմասնակցի վարչական սահմանի երկայնքով Եվրամիության դիտորդական առաքելության կազմակերպած գործունեությանը»,- ասված է Եվրամիության արտաքին գործողությունների ծառայության հաղորդագրության մեջ։
Ջոզեֆ Բորելի այցը Վրաստան կշարունակվի մինչեւ սեպտեմբերի 8-ը։
Opinion, pooling and voting
