Նինոծմինդայի քաղաքապետարանը կարող է վարչական տուգանք կիրառել

Մի քանի ամիս շարունակ Նինոծմինդայի քաղաքապետարանը կարողանում է խախտումներ հայտնաբերել ու վարչական տույժեր կիրառել։ Մինչև 2023 թվականի ապրիլի 1-ը քաղաքապետարանի կողմից վարչական տույժի նման միջոց չէր կիրառվում, նախկինում ուղարկվում էր դատարան իսկ հիմա տուգանում է քաղաքապետարանը ։

Իրավաբանական ծառայության վարչության պետ Խորեն Ավետիսյանի խոսքով՝ ավելի վաղ քաղաքապետարանի կողմից խախտումներ են արձանագրվել և անմիջապես ուղարկվել դատարան։ Այժմ քաղաքապետարանը կարող է ինքնուրույն տուգանել, իսկ չվճարելու դեպքում գործը հասցնել դատարան։ Խախտումների համար տույժեր են սահմանվում քաղաքապետարանի վերահսկողության ծառայության կողմից, իսկ հավաքագրված միջոցները կլրացնեն քաղաքապետարանի բյուջեն։

Խորեն Ավետիսյանի խոսքով՝ վարչական տույժեր են կիրառվելու այնպիսի դեպքերում, ինչպիսիք են համայնքային և պետական հողերի ապօրինի օգտագործումը, ապօրինի շինարարությունը և այլն։

Նաև մի քանի ամիս առաջ Նինոծմինդայի մունիցիպալիտետի սակրեբուլոյի նիստում հաստատվել է քաղաքապետարանի կողմից տրված վարչական տույժերի պաշտոնական ձևը։

Վեց ամսվա ընթացքում քաղաքապետարանը քաղաքացիների նկատմամբ 19 վարչական տուգանք է կիրառել՝ մոտ 40 000 լարի ընդհանուր գումարով՝ յուրաքանչյուրը մոտ 2000 լարիով։ Դրանցից 14-ը վարչական իրավախախտումների համար ժամանակին վճարել են տուգանքներ։ Մնացած քաղաքացիները չեն վճարել տուգանքները, և որոշվել է տուգանքները կրկին կիրառել։ Կա նաև երկու գործ, որով գործն անցել է դատաքննության.

Այս մասին ավելի մանրամասն խոսեց Իրավաբանական ծառայության վարչության պետ Խորեն Ավետիսյանը։