10-ամյա երեխա ճայթրուկի պայթյունից ծանր վիրավորվել է Բաթումիում

Բաթումում ճայթրուկ է պայթել 10-ամյա տղայի ձեռքում: Վիրավոր երեխայի վիճակը ծանր է:

Ինչպես «Բաթումեբելիին» պատմել է իրազեկ անձը, երեխան գտել է նետված ճայթրուկ, որը բռնկվելիս պայթել է ձեռքում։

Պայթյունի հետեւանքով երեխան լուրջ վնասվածքներ է ստացել դեմքի հատվածում, կորցրել է մի աչքը, մյուս աչքը դեռ հայտնի չէ՝ կփրկվի՞։

Այսօր 10-ամյա երեխային հերթական վիրահատությանը կենթարկեն։

Վիրավոր երեխային տեղափոխել են Թբիլիսի։

Պիրոտեխնիկայի կիրառման արդյունքում տարեկան տասնյակ մարդիկ են վիրավորվում։

Անցյալ տարի երեխաներն իրենք են դիմել Աջարիայի Գերագույն խորհրդին՝ արգելելու պիրոտեխնիկան։