Քոբուլեթիում հեղեղվել են բնակելի տները, տարբեր գյուղերում սողանքներ են առաջացել

Քոբուլեթիում անձրեւի հետեւանքով հեղեղվել են մի քանի փողոցների բնակելի տների բակերն ու առաջին հարկերը։ Քաղաքապետարանում հայտարարում են, որ հորդառատ անձրեւի հետեւանքով հունից դուրս է եկել Աչվա գետը, որը վարարումների պատճառ է դարձել։

«Քաղաքապետարանի համապատասխան ծառայությունները տարբեր գերատեսչությունների հետ միասին ակտիվորեն իրականացնում են պոմպային մաքրման աշխատանքներ։

Տարբեր գյուղերում սողանքներ են զարգացել»,- ասվում է հաղորդագրության մեջ։