Ենթակառուցվածքների զարգացում Նինոծմինդա քաղաքում և գյուղերում. ներկա կարգավիճակ և վերահսկողություն
Արդեն մի քանի ամիս է՝ Նինոծմինդա քաղաքում և գյուղերում տարբեր ենթակառուցվածքային աշխատանքներ են իրականացվում, որոնք ֆինանսավորվում են ինչպես տեղական բյուջեից, այնպես էլ «Օգնություն գյուղին» ծրագրի շրջանակներում։
Շինարարական աշխատանքներին հետևում են Նինոծմինդայի մունիցիպալիտետի փոխքաղաքապետ Արմեն Բդոյանը և քաղաքապետարանի վերահսկողության ծառայության ղեկավարը։
Հիմնական ուշադրությունը դարձվում է «Օգնություն գյուղին» ծրագրի շրջանակներում իրականացվող աշխատանքներին, որն այս տարի իրականացվում է մրցույթների արդյունքներով։ Ասֆալտապատման, բազմահարկ շենքերի բարեկարգման և խաղահրապարակների վերանորոգման աշխատանքներ են իրականացվում նաև Ժդանովական, Եֆրեմովկա, Կաթնատու, Օրոջալար, Սաթխա, Մ.Խանչալի գյուղերում, ինչպես նաև Նինոծմինդա քաղաքի առանձին հատվածներում՝ Խոջաբեկում և Նորաշենում։ Նորոգվում են նաև Նինոծմինդայի կենտրոնական փողոցի մայթերը։
Փոխքաղաքապետ Արմեն Բդոյանը նշում է, որ ստուգումների ընթացքում բացահայտվում են թերություններ։ Նկատողություններ են արվում և թերությունները շտկվում։ Եթե թերությունները չվերացվեն, բացի նկատողությունից, խախտողները տուգանվում են։ «Մի փոքր վրիպումներ կային, որոնց նկատողություն տրվեց, և արդեն վերացվել են։ Մինչ այժմ ուշացումների պատճառով տուգանքներ չեն նշանակվել։ Լինում են դեպքեր, երբ եղանակային պայմանների պատճառով ժամկետները երկարացվել են՝ ընկերության կողմից համապատասխան տեղեկանք տրամադրելուց հետո»,- ասաց Արմեն Բդոյանը։
Opinion, pooling and voting
