Անչափահասի ինտիմ լուսանկարներն ու տեսանյութերը վաճառելու համար մեկ անձ ձերբակալվել է

Հատուկ քննչական ծառայությունը մեկ անձի է ձերբակալել՝ անչափահասների ինտիմ լուսանկարներն ու տեսանյութերը վաճառելու համար։

Կատարված քննությամբ պարզվել է, որ 2003 թվականին ծնված մեղադրյալը սոցիալական ցանցի միջոցով ծանոթացել է 15-ամյա աղջկա հետ և վստահություն ձեռք բերել նրա հետ ակտիվ շփման միջոցով։ Արդյունքում անչափահաս տուժողը իր անձնական ինտիմ լուսանկարներն ու տեսանյութերն է ուղարկել։Մեղադրյալն օգտվել է դրանից և սոցցանցում կեղծ էջ է ստեղծել զոհի պատկերով` օգտատերերին առաջարկելով գումարի դիմաց գնել 15-ամյա աղջկա ինտիմ լուսանկարներն ու տեսանյութերը։ Իսկ գումարը հաշվեհամարին մուտքագրելուց հետո տուժողի մերկ մարմնի լուսանկարներն ու ինտիմ տեսանյութերն է ուղարկել գնորդին։

Հատուկ քննչական ծառայությունը տուժողի հետ կապ հաստատելուց հետո քննությունն իրականացրել է անչափահասի գաղտնիության լիարժեք պահպանմամբ։ Ձեռնարկված քննչական և օպերատիվ միջոցառումների արդյունքում պարզվել է 2003 թվականին ծնված տղամարդու ինքնությունը, ում բջջային հեռախոսից հանվել են տուժողի ինտիմ լուսանկարներն ու տեսանյութերը, ինչպես նաև դրանց վաճառքը հաստատող թղթակցությունը։

Հատուկ քննչական ծառայության աշխատակիցները մեղադրյալին ձերբակալել են Զուգդիդիի քաղաքապետարանում՝ քրեական օրենսգրքի 157-րդ պրիմա հոդվածով նախատեսված հանցագործության համար։

Հանցագործությունը պատժվում է 6-ից 9 տարի ազատազրկմամբ։sknews.ge

---

---