Անզգույշությունը հանգեցրել է կոյուղագծի խցանման
Վերջերս խցանված կոյուղագծի խնդիրը մտահոգել է Ազատության թիվ 7 հասցեի հինգ հարկանի շենքի բնակիչներին։
Այսօր կրկին Ազատության թիվ 7 շենքի մի մուտքում կոյուղագիծ է խցանվել։
Բնակիչ Հայաստան Իսպիրյանի խոսքով՝ խցանման պատճառը հենց բնակիչների անփույթ վերաբերմունքն է։ Սա առաջին անգամը չէ, որ մեր մուտքի գիծը խցանվում է, դա պայմանավորված է նրանով, որ բնակիչներն անզգույշ են և համակարգ են լցնում այն ամենը, ինչ ձեռքի տակ է ընկնում: Ջրամատակարարման անձնակազմին խնդրեցինք վերացնել առկա խնդիրները։ Նրանք օպերատիվ արձագանքեցին մեր խնդրանքին, և խնդիրը լուծվեց: Չնայած խցանումը շենքի ներսում էր, և դա ջրամատակարարման ծառայության պարտականությունը չէր, այնուամենայնիվ նրանք մեզ օգնեցին։
Իսպիրյանը հավելեց, որ բնակիչներին խնդրում է հետագայում զգույշ լինել։ Կրկնվող խցանումների դեպքում շենքի բնակիչներն իրենք պետք է հավաքվեն և լուծեն այս խնդիրը։
Opinion, pooling and voting
