Սամեբա գյուղի դպրոցը օձերի «գերությունից» ազատվեց. դպրոցը վերանորոգվել է
Նախկինում NOR ռադիոն մեկ անգամ չէ, որ բնակչությանը տեղեկացրել է Սամեբա գյուղի դպրոցում օձերի մասին։ Օձերի պատճառով աշակերտները նույնիսկ առցանց ուսուցման էին անցել։ Օձերը դարձել են զբոսաշրջիկների ուշադրության պատճառ։
Նախկինում օձեր կային թե՛ դպրոցի ներսում, թե՛ դրսում։
Սամեբայի օձերը հրապուրում են զբոսաշրջիկներին
Սամեբա գյուղի դպրոցը օձերի «գերության» մեջ\տեսանյութ
Այսօր հիմնովին վերանորոգվել է Սամեբա գյուղի դպրոցը։ Դպրոցի տնօրեն Մզեքալա Մինաձեի խոսքով, դպրոցը հիմնանորոգվել է։ Վերանորոգվել են դասասենյակները, դահլիճը, միջանցքներն ու սանհանգույցները։ Ինչպես նշեց դպրոցի տնօրենը, այլեւս անհանգստանալու պատճառ չկա, քանի որ վերանորոգման արդյունքում վերացվել են բոլոր այն ճաքերը, որոնցից օձերը մտել են դպրոց։ Մաքրվել են հատակն ու արտաքին պատերը, նոր բետոն է արվել:
Այսօր, չնայած Սամեբա գյուղի դպրոցում սովորում է 11 աշակերտ, ուսումնական գործընթացն ընթանում է առանց ընդհատումների՝ համաձայն պետական ուսումնական պլանի։
Դպրոցի տնօրեն Մզեքալա Մինաձեի խոսքով, դպրոցի վերանորոգման համար գումար է ստացվել ենթակառուցվածքային գործակալությունից։ Վերանորոգման համար գումարը կազմել է 114 500 լարի։
Չնայած հիմնանորոգմանը, ցուրտ սեզոնին դպրոցը դեռ տաքացվում է վառարաններով, և տնօրենի խոսքով, դպրոցը վառելափայտը գնում է սեփական բյուջեից։
Opinion, pooling and voting
