Առճակատում Վրաստանի խորհրդարանում
Խորհրդարանում առճակատում է տեղի ունեցել ընդդիմադիր պատգամավորների և մեծամասնության անդամների միջև։ Նիստերի դահլիճից դուրս մի քանի միջադեպ է տեղի ունեցել:
Այդ թվում, պատգամավորների առճակատումը սկսվել է այն պահին, երբ ճեպազրույց էր անցկացնում «Վրացական երազանք» կուսակցության նախագահ Իրակլի Կոբախիձեն։ «Ստրատեգիա Աղմաշենեբելիի» առաջնորդ Գիորգի Վաշաձեն մոտեցել է Իրակլի Կոբախիձեին և ասել, որ «պաշտպանում է ռուս լրտեսներին»։
Դրանից հետո մի քանի պատգամավոր ֆիզիկապես առերեսվել են, իսկ մանդատուրի ծառայության ներկայացուցիչները փորձել են լիցքաթափել իրավիճակը։
Այս պահին խորհրդարանում հանգիստ է: Նիստերի դահլիճում «Նախարարի ժամ» ձեւաչափով լսում են Թեա Ծուլուկիանիին։ Ընդդիմությունը ի նշան բողոքի նիստին չի մասնակցում։ 1tv.ge
Opinion, pooling and voting
