Վրաստանում անբերքատվության պատճառով խաղողը և գինին կարող են թանկանալ
Սպասվում է, որ գինու և խաղողի գները կբարձրանան այն բանից հետո, երբ կարկուտը ոչնչացրեց Կախեթիի շրջանի խաղողի այգիների զգալի մասը, BM.ge-ին հայտնել է «Նեկրեսի» ընկերության հիմնադիրներից մեկը՝ Օթո Տաբատաձեն։
Նրա խոսքով, էլիտար գինիների սորտերի համար խաղողը կպակասի։
«Իհարկե, կան գոտիներ, որտեղ կարելի է խաղող գտնել, բայց մենք չենք կարողանա արտադրել այն ծավալը, որը նախատեսել էինք այս տարի»,- հավելել է Տաբատաձեն։
Դեռևս պարզ չէ, թե այս տարի ինչ է լինելու «Քինձմարաուլի»-ի արտադրության հետ. հայտնի բնական կիսաքաղցր գինու համար խաղողը աճեցվում է միայն Կղվարելիի մունիցիպալիտետի միկրոգոտում, որը մեծ վնաս է կրել։
Գինու թանկացումը միանգամից չի սպասվում: Այս տարվա գինին առևտրի ցանցերում կսկսի հայտնվել միայն հաջորդ տարի։ Եվ շատ բան կախված կլինի նրանից, թե ինչպիսին կլինի 2024 թվականը խաղողագործների համար։ Եթե բերքը կրկին փչանա, ապա շուկայում իրավիճակը շատ նկատելի կդառնա։
Սեպտեմբերի 15-ի տվյալներով՝ Վրաստանում ռթվելիի (խաղողահավաք) ժամանակ հավաքվել է 50 հազար տոննա խաղող։ Համեմատության համար նշենք, որ անցյալ տարի սեպտեմբերի կեսերին միայն Կախեթում հավաքվել է մոտ 80 հազար տոննա։
Գյուղատնտեսության նախարարությունը նախկինում հրապարակել էր բոլոր շրջաններում 200 հազար տոննա խաղողի բերքի կանխատեսումը, սակայն դա եղել է մինչև այն ժամանակ, Կախեթիի խաղողի այգիներին կարկուտը մի քանի անգամ կհարվածեր։ Վնասված խաղողը, որը մասնավոր գինեգործարանները չեն ընդունում, ֆերմերներից գնում է պետական ձեռնարկությունը։ jnews.ge
Opinion, pooling and voting
