Վահան Տերյանի տուն-թանգարանը վերականգնման կարիք ունի
Ինչպես գիտենք, Վահան Տերյանի տուն-թանգարանը Նինոծմինդայի մունիցիպալիտետի մշակութային ժառանգության անբաժանելի մասն է։ Տուն-թանգարանի ցուցասրահի վերականգնման աշխատանքներն իրականացվել են 2021 թվականի մայիսին, և դրան զուգահեռ արդիական է նաև հայրական տան վերականգնման հարցը։
Երբ մենք շրջեցինք տեղանքում, թանգարանի էքսկուրսավար Լիզա Աբգարյանը մեզ ցույց տվեց, որ պատմական տունը խոնավ է, պատերը՝ ճաքճքված, խոնավ բծերը պարզորոշ երևում են, իսկ առաստաղի գերանների փլվում են։
Առաստաղի գերանների վատ վիճակի պատճառով տանիքը չի կարողանում կատարել իր գործառույթը և հորդառատ անձրեւների ժամանակ ջուրը հոսում է տուն։
Լիզան նշել է նաև, որ խոնավության պատճառով պատերը այնքան էլ լավ վիճակում չեն, և տանն անհրաժեշտ է արտաքին դրենաժային համակարգ՝ խոնավության խնդիրը վերացնելու համար։
Այս տարի նախատեսվում են տուն-թանգարանի վերականգնման աշխատանքներ։ Ինչպես նշեց էքսկուրսավար Լիզա Աբգարյանը, ցուցասրահի վերականգնման աշխատանքներն իրականացնելու է «Ջավախքի աջակցություն» հիմնադրամը։
Կոչ եմ անում մեր բոլոր հայրենակիցներին. եթե ցանկանում են նպաստել մեր թանգարանի վերականգնմանը, կարող են ֆինանսական աջակցություն ցուցաբերել «Ջավախքի աջակցություն» հիմնադրամին։
Մանրամասները մեր աուդիո նյութում թանգարանի էքսկուրսավար Լիզա Աբգարյանի հետ.
Opinion, pooling and voting
