Ռուսաստանն ու Վրաստանը պայմանավորվել են հարաբերություններն առողջացնելուն ուղղված կանոնավոր հանդիպումների մասին
Վրաստանի եւ Ռուսաստանի ներկայացուցիչների հանդիպումները կանցկացվեն կանոնավոր կերպով, հայտարարել է ՌԴ հետ հարաբերությունների կարգավորման հարցերով Վրաստանի վարչապետի հատուկ ներկայացուցիչ Զուրաբ Աբաշիձեն` Ռուսաստանի փոխարտգործնախարար Գրիգորի Կարասինի հետ Ժնեւում կայացած հանդիպումից հետո:
«Մենք ընդունեցինք, որ մեր հարաբերությունները փակուղի են մտել եւ հարկավոր է ելքեր փնտրել իրավիճակից: Մենք նաեւ նշեցինք, որ չենք կարող պայմանավորվել որոշ հարցերի շուրջ: Այդ իսկ պատճառով սկզբի համար մենք ընտրեցինք այնպիսի թեմաներ, ինչպիսիք են առեւտրատնտեսական հարաբերությունները, հումանիտար-մշակութային կապերը եւ ուղիղ օդային հաղորդակցության վերականգնումը»,-հայտարարել է Աբաշիձեն, տեղեկացնում է «Գրուզիա օնլայնը»:
Գեորգի Կարասինը եւս հայտարարել է, որ Ռուսաստանն ու Վրաստանն իրենց հարաբերություններն առողջացնելու հնարավորություն ունեն: Նրա խոսքով` երկխոսությունը հասունացել է, եւ դա են պահանջում քաղաքական, տնտեսական հանգամանքները: NEWS.am