Եվրախորհրդարանում լսումներ են տեղի ունեցել Լեռնային Ղարաբաղի վերաբերյալ
Բոլոր բանախոսները քննադատել են Իլհամ Ալիեւի ռեժիմի գործողությունները։
Միևնույն ժամանակ նրանք դատապարտել են Եվրամիության ղեկավարներին, մասնավորապես՝ Եվրահանձնաժողովի նախագահ Ուրսուլա ֆոն դեր Լեյենին, ով Ալիևին անվանել է «վստահելի գործընկեր», քանի որ Եվրամիությունը գազային գործարք է կնքել Ադրբեջանի հետ։
Բանախոսները նշել են, որ իրենք բազմիցս զգուշացրել են Լեռնային Ղարաբաղին սպառնացող վտանգի մասին։ Նրանցից շատերն առաջարկել են պատժամիջոցներ կիրառել Ալիևի դեմ։
«Մենք հայերին զոհաբերեցինք հանուն ռեալպոլիտիկի: Անհրաժեշտ է սառեցնել Բաքվի հետ պայմանագրերը եւ պատժամիջոցներ կիրառել»,- ասել է Եվրախորհրդարանի պատգամավոր Ֆաբիո Կաստալդոն։
Մարինա Կալյուրանդը կոչ է արել պահանջներ ներկայացնել Ալիևին. «Այն, ինչ արել է Բաքուն, էթնիկ զտում է, Հայաստանին պետք է օգնել, և ԵՄ առաքելությունը պետք է ընդլայնվի Հայաստանում և աշխատի նաև Ադրբեջանում»:
Բազմաթիվ բանախոսներ նաև ասել են, որ Հայաստանին անհրաժեշտ է եվրոպական հեռանկար առաջարկել, մասնավորապես՝ վիզաների հարցը լուծելու համար։
Opinion, pooling and voting
