«Վրացական երազանքը» ուժեղացնում է հակաարևմտյան քարոզչությունը և ռուսական ազդեցությունը Վրաստանում. Ակուբարդիա
«Վրացական երազանքն ուժեղացնում է հակաարևմտյան քարոզչությունը և ռուսական ազդեցությունը Վրաստանում. Սրանք խաղեր են իշխանությունը պահպանելու համար»,- ասել է Վրաստանի խորհրդարանի ընդդիմադիր պատգամավոր Թեոնա Ակուբարդիան՝ մեկնաբանելով ԱՄՆ Պետդեպարտամենտի հայտարարությունը։
Ըստ Ակուբարդիայի՝ «Վրացական երազանքի» քաղաքականությունն ու ռազմավարական գործընկերոջ հետ առճակատումը թուլացնում են երկիրը։
«Վրացական երազանքն» իր հակաամերիկյան արշավով ավելի է ամրապնդում ռուսական ազդեցությունը Վրաստանում։ Հայտարարությունը հենց այս նպատակն է հետապնդում, որը թուլացնում է երկիրը և ոչ այլ ինչ է, քան իշխանությունը պահպանելու խաղեր։ «Վրացական երազանքը» բացահայտ հակաարևմտյան քարոզչություն է իրականացնում, և դա երկրում մտավախություն առաջացնելու, մյուս կողմից՝ սրվող առճակատման գործընթաց է գլխավոր ռազմավարական գործընկերոջ հետ, որը թուլացնում է երկրի ինքնիշխանությունն ու տարածքային ամբողջականությունը», – ասել է Ակուբարդիան։
Ըստ ԱՄՆ Պետդեպարտամենտի՝ վրացական իշխանությունների մեղադրանքները ԱՄՆ Միջազգային զարգացման գործակալության (USAID) հասցեին կեղծ են։
«Թբիլիսիում մեր դեսպանատունը շատ հստակ հայտարարություն է արել այս հարցի վերաբերյալ և ես այստեղ կկրկնեմ, որ մեր աջակցության ծրագրերից մեկի հասցեին մեղադրանքները կեղծ են և հիմնովին սխալ են բնութագրում Վրաստանին մեր օգնության նպատակները։ Ինչպես միշտ, մեր օգնությունը թափանցիկ է, և մենք կշարունակենք աջակցել վրացական կազմակերպություններին, որոնք աշխատում են պաշտպանելու Վրաստանի Սահմանադրությամբ և Վրաստանի միջազգային պարտավորություններով նախատեսված հիմնարար իրավունքները»,- ասել է ԱՄՆ Պետդեպարտամենտի մամուլի խոսնակի տեղակալ Վեդանտ Պատելը։
Opinion, pooling and voting
