Ֆրանսիան պետք է հետ կանչի իր դեսպանին Ադրբեջանից և պատժամիջոցներ սահմանի Ալիևի դեմ
Ֆրանսիայի Սենատի Հանրապետական խմբակցության անդամ, Ֆրանսիա-Հայաստան բարեկամության խմբի փոխնախագահ Վալերի Բուայեն «C dans l’Air» հաղորդաշարում ՄԱԿ-ի ներկայացուցիչների այցը Լեռնային Ղարաբաղ անվանել է դիմակահանդես։
«Կարծում եմ, որ այսօր Հայաստանին պետք է պաշտպանել, բայց ոչ այն դիմակահանդեսի միջոցով, որը տեղի է ունենում այսօր (ՄԱԿ-ի առաքելության այցը Լեռնային Ղարաբաղ – խմբ.):
Դուք ունեք Ադրբեջանի կողմից ընտրված առաքելությանը մասնակցող պետությունների ցուցակը։ Այնտեղ (Լեռնային Ղարաբաղում – խմբ.) ուրիշ ոչ ոք չկա»,- ասել է Բուայեն։
Նա ասել է, որ Ֆրանսիան պետք է հետ կանչի իր դեսպանին և պատժամիջոցներ սահմանի Ադրբեջանի նախագահ Իլհամ Ալիևի դեմ։
Հիշեցնենք, որ ԶԼՄ-ներում տարածված տեղեկատվության համաձայն՝ Լեռնային Ղարաբաղ այցելած ՄԱԿ-ի առաքելության կազմում ընդգրկված են եղել Թուրքիայի, Պակիստանի, Ալբանիայի, Հունգարիայի և Ռուսաստանի ներկայացուցիչներ։
Նրանցից ոչ ոք չի «նկատել» Ադրբեջանի հանցագործությունները հայ բնակչության դեմ։
Opinion, pooling and voting
