Թբիլիսիում քամին ավերածությունների պատճառ է դարձել

Թբիլիսիի քաղաքապետարանի փոխանցմամբ՝ հոկտեմբերի 9-ին ուժեղ քամին խնդիրներ է ստեղծել մայրաքաղաք Թբիլիսիի մի շարք փողոցներում։

Ըստ տեղեկության՝ քաղաքի տարբեր վայրերում մի քանի ծառ է տապալվել՝ վնասելով էլեկտրահաղորդման գծերը։

Մարիջանիի փողոցում քամու հետևանքով պատ է փլուզվել։ Ուժեղ քամուց հիմնականում տուժել են Սաբուրթալո և Վակե թաղամասերը։

«Բոլոր խնդրահարույց տարածքներում ներկա են Թբիլիսիի քաղաքապետարանի համապատասխան գերատեսչությունների, վարչակազմերի ներկայացուցիչներ, ճանապարհներից հանում են տապալված ծառերը։

Անհրաժեշտության դեպքում գործում է քաղաքապետարանի թեժ գիծը՝ 2722222»,- հայտնում են քաղաքապետարանից։

Ֆեյսբուքյան «Իմ քաղաքը սպանում է ինձ» էջը հրապարակել է լուսանկար և հաղորդագրություն այն մասին, որ քամին Թբիլիսիի Մարիջանիի փողոցի կիսակառույց շենքից շինանյութեր է նետել, որոնք վնասել են ավտոմեքենաները։ Ըստ նույն հաղորդագրության՝ տուժածներ չկան։ aliq.ge

• Բորջոմիում քամին կրկին բորբոքել է տեղայնացված հրդեհը

---

---