Էլեկտրոնային տեխնոլոգիաները և փոփոխությունները ընտրություններում

Փոփոխությունների համաձայն՝ 2024 թվականի խորհրդարանական ընտրությունները ընտրատեղամասերում կանցկացվեն էլեկտրոնային տեխնոլոգիաների կիրառմամբ։

Նինոծմինդա քաղաքի ընտրատարածքային ընտրական հանձնաժողովը քարոզարշավ է իրականացնում՝ ընտրողներին երկրում էլեկտրոնային ընտրությունների ներդրման մասին իրազեկելու նպատակով։ Նախընտրական քարոզարշավի շրջանակներում այս անգամ Նինոծմինդայի 41-րդ ընտրատարածքային ընտրական հանձնաժողովի աշխատակիցները հանդիպել են քաղաքապետարանի աշխատակիցների հետ։ Տեղի է ունեցել 10 հանդիպում սակրեբուլոյի և Նինոծմինդայի քաղաքապետարանի աշխատակիցների հետ։ Հանդիպմանը Ընտրական հանձնաժողովի աշխատակիցները մասնակիցներին տեղեկատվություն են տրամադրել էլեկտրոնային սարքերի առավելությունների մասին: Վերջում ներկաները քվեարկեցին, որպեսզի իրենք տեսնեն, թե ինչպես են աշխատում էլեկտրոնային տեխնիկան։

Քվեատուփերի փոխարեն կօգտագործվի էլեկտրոնային սարք, և սարքն ինքը կհաշվի ձայները։ Այնուամենայնիվ, յուրաքանչյուր տեղամաս ձայները նույնպես ձեռքով կհաշվի: Ինչպես նշում է Ընտրական հանձնաժողովի նախագահ Սեյրան Կյուրեղյանը, ընտրությունների էլեկտրոնային ձևաչափը կխնայի ժամանակը և կնվազեցնի խախտումները։

Ընտրական գործընթացի հիմնական փոփոխություններն այն են, որ 2024 թվականի խորհրդարանական ընտրություններն ամբողջությամբ կանցնեն համամասնական ընտրակարգով՝ էլեկտրոնային տեխնոլոգիաների կիրառմամբ։ Փոփոխություններ են եղել նաև հանձնաժողովի անդամների ընտրության հարցում։ Այժմ անդամ կարող են դառնալ միայն ԻՀԿ-ի հավաստագրված ներկայացուցիչները։ Նախագահի, տեղակալի և քարտուղարի ընտրությունը կիրականացնեն ընտրատարածքային ընտրական հանձնաժողովի անդամները։

Հարցին, թե ինչպես են տեղեկանալու շարքային բնակիչները նոր ընտրական ձևաչափի մասին, Սեյրան Կյուրեղյանը պատասխանեց, որ դեռ պարզ չէ, բայց հավանաբար տեղեկությունը կլինի «Դռնից դուռ» ծրագրի շրջանակներում։

Այս մասին ավելի մանրամասն խոսեց Նինոծմինդայի մունիցիպալիտետի ընտրական հանձնաժողովի (ԵՏՀ) նախագահ Սեյրան Կյուրեղյանը։