Գյուղատնտեսական ծառայությունները թանկանում են, իսկ արտադրանքի գները նվազում

Նինոծմինդայի մունիցիպալիտետում գյուղատնտեսությունը տեղի բնակչության եկամտի հիմնական աղբյուրներից է։

Տեղի բնակչության շրջանում այս տարածքի նկատմամբ աճող հետաքրքրություն չկա։ Լինում են դեպքեր, և հակառակը, երբ ֆերմերները դժգոհում են ստեղծված իրավիճակից և ցանկանում են թողնել այս բիզնեսը։ Դրա պատճառը գյուղմթերքի ցածր գինն է և գյուղատնտեսական ծառայությունների գների բարձրացումը։

Բնակիչների կարծիքով՝ դրանում մեծ դեր ունի դիզվառելիքի գինը։ Վառելիքի թանկացման հետ մեկտեղ բարձրանում են նաև մի շարք ծառայությունների, այդ թվում՝ հողի մշակման գները։ Գների վրա ազդում են նաև թանկարժեք պահեստամասերը։

Նինոծմինդայի բնակիչներն ասում են, որ իմաստ չունի այդքան ջանք ու գումար ներդնել մի բիզնեսում, որն արդյունք չի տալիս։ Հողերի մշակման գները շատ բարձր են և տարեցտարի ավելանում են։ Եթե դիզվառելիքը թանկանում է, անմիջապես թանկանում են նաեւ ծառայությունների գները, բայց երբ դիզվառելիքը նվազում է, ծառայությունների գները չեն նվազում, մնում են նույնը։

Ինչպես նշում են բնակիչները, եթե նախորդ տարի հողի մշակումն արժեցել է 2,50–3 լարի, ապա այս տարի՝ 3,50-ից 4 լարի։ Սա ցույց է տալիս, որ վերահսկողություն չկա, եւ ամեն մեկն իր ուզած գինն է դնում։ 1 լիտր կաթն այժմ արժե 1–1,20 լարի, կարտոֆիլի գինը՝ 50–60 թեթրի, իսկ գարին ու ցորենը՝ 60 թեթրի։

Բնակիչների խոսքով, այժմ կապ չունի՝ վառելիքը կէժանանա, թե ոչ, ծառայությունների գները շարունակում են մնալ նույնը, իսկ գյուղմթերքի գները նվազում են։