Փոքր Խանչալիի բնակիչները դժգոհում են նորակառույց բայց չգործող մանկապարտեզից

Նինոծմինդայի մունիցիպալիտետի Փոքր Խանչալի գյուղում 2021 թվականին սկիզբ է դրվել մանկապարտեզի կառուցմանը։

Փոքր Խանչալի գյուղի բնակիչները իրենց դժգոհություն են հայտնում, որ մանկապարտեզը կառուցելուց հետո այն մինչ օրս չի գործում։

«Անցած տարի մանկապարտեզը պետք է գործեր, սակայն չբացվեց։ Հիմա էլ խոստացան որ այս տարի կբացվի, սակայն դեռևս նույն վիճակն է։ Եթե մանկապարտեզը բացվի մեր երեխաները ստիպված չեն հաճախելու հարեւան գյուղի կամ քաղաքի մանկապարտեզներ»,- նշեցին բնակիչները։

Այս հարցի շուրջ NOR -ռադիոկայանը զրուցեց Նինոծմինդայի միավորված մանկապարտեզների տնօրեն՝ Ամալյա Մղդեսյանի հետ։

Նրա խոսքով․ «Մոտ 10 օրվա ընթացքում Նինոծմինդայի մունցիպալիտետի Ռադիոնովկա, Ղուլալիս և Փոքր Խանչալի գյուղերում մանկապարտեզները կսկսեն արդեն գործել։ Այս պահին մրցույթ է հայտարարված համապատասխան գույք ձեռք բերելու համար, որը ստանալուց հետո մանկապարտեզները կգործեն։ Ինչ վերաբերվում է աշխատակիցներին ապա արդեն ընտրված են, բոլորն էլ բարձրագույն կրթություն ունեցող անձիք են։ Ասեմ, որ ձեռք է բերվել նաև տարբեր խաղեր, որոնք կբաժանվեն Նինոծմինդայի բոլոր մանկապարտեզներին»։

Մանրամասները՝ ձայնագրությունում․