Փոփոխություն «Ծխախոտի դեմ պայքարի մասին» օրենքում. Ի՞նչ է սպասվում

2024 թվականի հուլիսի 31-ից Վրաստանում բոլոր ծխախոտները կվաճառվեն միատեսակ պարզ փաթեթավորմամբ, թեև ձեռնարկությունները հնարավորություն կունենան վաճառել շուկայում ներկայացված հին ապրանքները մինչև 2025 թվականի ապրիլի 1-ը։ Մարդու իրավունքների պաշտպանության և քաղաքացիական ինտեգրման հանձնաժողովը քննարկել է «Ծխախոտի դեմ պայքարի մասին» օրենքի այս փոփոխությունը։

Օրենքի նախագծի նախաձեռնողներից, ոլորտային տնտեսության և տնտեսական քաղաքականության հանձնաժողովի նախագահ Դավիթ Սոնղուլաշվիլիի խոսքով՝ ըստ օրենքի նախագծի՝ մինչև 2025 թվականի ապրիլի 1-ը հնարավոր կլինի վաճառել ծխախոտային արտադրանք, որը վրացական շուկայում կհայտնվի մինչև 2024 թվականի հուլիսի 31-ը։

Նրա խոսքով, նշված փոփոխությունը ծխախոտի արտադրանք արտադրողներին և ներկրողներին հնարավորություն կտա ամբողջությամբ իրացնել իրենց արտադրանքը։

«Կարևոր է, մի կողմից, պահպանել օրենքի ոգին, որն ամբողջությամբ միտված է ծխախոտի արտադրանքի սպառման նվազեցմանը, մյուս կողմից՝ նվազագույնի հասցնել համապատասխան ներմուծողների և արտադրողների հնարավոր տնտեսական կորուստները»,- ասել է Դավիթ Սոնղուլաշվիլին։

Ինչպես նշվել է հանձնաժողովի նիստում, 2024 թվականի հուլիսի 31-ից ուժի մեջ կմտնեն մի շարք կանոնակարգեր, որոնք կխստացնեն ծխախոտի արտադրանքի փաթեթավորման հետ կապված օրենսդրությունը, ինչը որոշակի տնտեսական ազդեցություն կունենա այդ ապրանքներ արտադրողների և ներմուծողների վրա։

Փոփոխությունը նախաձեռնողները գտնում են, որ նպատակահարմար է այդ անձանց տրամադրել որոշակի ժամկետ, որպեսզի կարողանան վաճառել շուկայում տեղադրված ծխախոտային արտադրանքը և իրենց գործունեության մեջ լիովին համապատասխանեն խստացված օրենսդրությանը։

Հանձնաժողովը կողմ է քվեարկել օրինագծին։

---

---