Քաղաքական կարգավորումից հետո Հայաստանը պատրաստ է գազ գնել Ադրբեջանից․ փոխնախարար
Հայաստանը պատրաստ է գազ գնել Ադրբեջանից՝ երկրների միջև քաղաքական տարաձայնությունները լուծելուց հետո։ Այս մասին Հոկտեմբերի 26-ին Թբիլիսիի «Մետաքսի ճանապարհ» միջազգային համաժողովի ժամանակ հայտարարել է Հայաստանի տարածքային կառավարման և ենթակառուցվածքների փոխնախարար Հակոբ Վարդանյանը։
Նա նշում է, որ Հայաստանը կարող է նաև հանդիսանալ Ադրբեջանից Եվրոպա գազի տարանցման երկիր։ Փոխնախարարի խոսքով՝ ՀՀ-ն պատրաստ է տրանզիտ երկիր լինել Ադրբեջանից Թուրքիա կամ հակառակ ուղղությամբ էլեկտաէներգիայի մատակարարումների համար։
«Հակամարտության (Ղարաբաղյան առաջին պատերազմի – խմբ․) պատճառով Ադրբեջանից Հայաստան գազի և էլեկտրաէներգիայի մատակարարման դադարեցումը շոկային իրադարձություն էր Հայաստանի գազաէլեկտրական համակարգի համար, քանի որ այն ժամանակ մենք գազ էինք գնում Ադրբեջանից։ Հետո սկսեցինք Վրաստանի տարածքով նոր գազատարի շինարարությունը՝ մեր երկիր գազ մատակարարելու համար։ Հուսով եմ, որ մեր տարածաշրջանում խաղաղություն կլինի, և մենք կկարողանանք համագործակցել և դիվերսիֆիկացնել մեր էներգետիկ համակարգերը, ինչպես այն ժամանակ»,- ասել է Վարդանյանը։
Opinion, pooling and voting
