Նինոծմինդա քաղաքի մարզադպրոցի վերանորոգչական աշխատանքները դեռևս չեն ավարտվել
2016 թվականի հոկտեմբեր ամսին տեղական բյուջեից Նինոծմինդա քաղաքի մարզադպրոցի վերանորոգման համար հատկացվել էր 22 հազար լարի գումար, որով նախատեսված էր մանրահատակի տեղադրում դպրոցում:
Տվյալ գումարը բավարարել է վերանորոգչական աշխատանքների միայն կեսն իրականացնելու համար, ինչի արդյունքում մանրահատակ տեղադրվել է մարզասրահի ընդամենը կես մասում: Արդեն չորս ամիս է մարզադպրոցում պարապմունքներ չեն ընթանում: Մարզական խմբակները իրենց պարապմունքներն այլ տեղերում են իրականացնում:
Մարզադպրոցի տնօրեն Անդրանիկ Ղարսլյանի խոսքով՝ այս չորս ամիսների ընթացքում մարզադպրոցում պարապմունքներ չեն ընթացել, սակայն խմբակների մարզիչները աշխատել են և պարապմունքները իրականացրել են այլ շինություններում:
Վոլեյբոլի պարապմունքները ընթացել են Նինոծմինդա քաղաքի թիվ 3 դպրոցում, իսկ կարատեինը՝ Երիտասարդության տանը:
Նինոծմինդայի մունիցիպալիտետի գամգեբելի Գագիկ Ղարսլյանը մեզ հետ զրույցում նշեց, որ մարզադպրոցի համար գումար է նախատեսված նաև այս տարի, ըստ այդմ բոլոր կիսատ մնացած աշխատանքները կհասցվեն ավարտին:
Մանրմասների մասին լսեք մեր նյութում.
Բորիս Ղարսլյան