Թբիլիսիում կանցկացվի Համաշխարհային մշակույթի շաբաթ

Թբիլիսիում 2024 թվականի մայիսի 9-ից 12-ը կանցկացվի Համաշխարհային մշակույթի շաբաթ։

Մրցույթին կարող են մասնակցել արվեստի, նորաձևության ոլորտի ներկայացուցիչներ, երաժիշտներ, պարողներ։ Միջոցառման նպատակն է բացահայտել համաշխարհային մակարդակի տաղանդները:

Նորաձևության ոլորտում համաշխարհային տաղանդները կբացահայտվեն Mercedes-Benz Fashion Week Tbilisi նորաձևության միջազգային փառատոնի շրջանակներում։

Թե կոնկրետ ինչ են ակնկալում կազմակերպիչները մասնակիցներից, նշված է տվյալ ոլորտներից յուրաքանչյուրի ներկայացուցիչներին ուղղված ուղերձում։

«Արվեստ. Ցուցադրեք Ձեր աշխատանքները և ունեցեք ստեղծագործական ներդրումը միջազգային մշակույթների հարուստ գոբելենի մեջ:

Նորաձևություն. մասնակցե՛ք Mercedes-Benz Fashion Week Tbilisi-ին և ցուցադրե՛ք ձեր նորաձևական դիզայնը վրացի և միջազգային դիզայներների հետ միասին:

Թատրոն. Կյանքի կոչեք ձեր թատերական բեմադրությունները և շփվեք հանդիսատեսի հետ, ովքեր գնահատում են բեմական խոսքի գեղեցկությունը:

Երաժշտություն. Կիսվեք ձեր երաժշտական ​​տաղանդներով բազմաճաշակ հանդիսատեսի հետ և մասնակցեք միջոցառման մշակութային ներկայացումներին:

Պար. ցուցադրեք աշխարհի պարային տարազների գեղեցկությունն ու բազմազանությունը՝ գրավիչ ելույթների միջոցով, որոնք կգրավեն հանդիսատեսին»,- ասվում է կազմակերպիչների հայտարարության մեջ:

Այս լայնածավալ միջոցառման կազմակերպիչները բոլորին հրավիրում են իրենց տաղանդը «բացահայտել» աշխարհի մակարդակով։ Դուք կարող եք ավելին իմանալ www.cultureweektbilisi.com կայքում: jnews.ge

---

---