Կահույքի ընկերության ղեկավարը հետախուզվում է հաճախորդներին խաբելու համար

Վրաստանի դատախազությունը հեռակա մեղադրանք է առաջադրել «Դեմե» ՍՊԸ կահույք արտադրող ընկերության ներկայացուցչին, ով, ըստ հետաքննության վարկածի, ստել է հաճախորդներին և խաբեությամբ խլել նրանց գումարները։ Խոսքը խաբեությամբ ձեռք բերված 464 687 լարիի մասին է (47 դեպք)։

Դատախազության մամուլի ծառայությունից հայտնում են, որ «Դեմե» ՍՊԸ-ի ներկայացուցիչը գումարը ստանալուց հետո թաքնվել է։

«Դեմե ընկերության ներկայացուցիչը, օգտվելով իր պաշտոնեական դիրքից, սոցցանցում կեղծ հայտարարություններ է տեղադրել՝ քաղաքացիների դրամական միջոցները ապօրինի յուրացնելու նպատակով։ 2021-2022 թվականներին մեղադրյալը ներգրավել է քաղաքացիների, ովքեր ցանկացել են նշված գովազդով կահույք պատրաստել և համապատասխան կահույքը պատրաստելու դիմաց գումարը նախապես մուտքագրել տուժողի հաշվեհամարին»,- նշված է մամուլի ծառայության տարածած հաղորդագրության մեջ։

Գործը հարուցվել է 180-րդ հոդվածի 2-րդ մասի «Բ» ենթակետով և 3-րդ մասի «Ա» և «Բ» ենթակետերով (խարդախությամբ առանձնապես խոշոր չափերի յուրացում): Դատարանը մեղադրյալին հեռակա դատապարտել է ազատազրկման։ Նրան սպառնում է 6-ից 9 տարվա ազատազրկում։

«Մեղադրյալի նկատմամբ տրվել է հետախուզում, ձեռնարկվում են համապատասխան միջոցառումներ՝ նրա գտնվելու վայրը պարզելու և ձերբակալելու ուղղությամբ»,- նշում են դատախազությունից։

---

---