Հարսանիքի ժամանակ սկսված առերեսումն ավարտվել է սպանությամբ. ինչ մանրամասներ են հայտնի դառնում.

Կախեթում տեղի ունեցած սպանության մասին որոշ մանրամասներ են հայտնի դառնում. Ըստ «TV Piveli»-ի՝ հանցագործությունը տեղի է ունեցել Քեշալո գյուղում տեղի ունեցած հարսանիքի ժամանակ։

Նրանց տեղեկություններով՝ ծեծկռտուքը սկսվել է փողի պատճառով, և առերեսմանը մասնակցել է 6 հոգի։ Երիտասարդներից մեկը սառը զենքով կրծքավանդակից մահացու վիրավորում է ստացել. Մինչ հիվանդանոց տեղափոխվելը վիրավորը մահացել է։

Ականատեսները պատմում են, որ Ջավեդ Մամեդովը հարսանեկան սեղանից դուրս գալու ժամանակ դարանակալել են հարձակվողները։

Ոստիկանությունը մեկ անձի է ձերբակալել, սակայն դա բավարար չէ սպանվածի ընտանիքին։ Մամեդովները պահանջում են ձերբակալել ծեծկռտուքի մասնակից բոլոր անձանց։

«Տղուս դաժանաբար սպանել են, 6 տղամարդ երկար ծեծել են, հետո դանակահարել են, բոլորին բռնել են»,- ասում է սպանվածի մայրը։

ՆԳՆ տեղեկատվության համաձայն՝ ձեռնարկված քննչական գործողությունների արդյունքում իրավապահները տաք հետապնդման ենթարկելով ձերբակալել են մեղադրյալին։

Դիտավորյալ սպանության փաստով հետաքննությունը շարունակվում է Վրաստանի Քրեական օրենսգրքի 108-րդ հոդվածով»,- ասվում է ՆԳՆ տարածած հաղորդագրության մեջ։

---

---