«Իմ արվեստը իմ լեզուն է»,-Իշխան Բադիշյան
Իշխան Բադիշյանը ծնվել է 1976թ. Գանձա գյուղում: Նրա հիմնական զբաղմունքը ձեռքի տակ եղած առարկաներով եկեղեցիների մակետներ պատրաստելն է: Արդեն երրորդ տարին է Իշխանը աշխատում է Սուրբ Էջմիածին եկեղեցու մակետի պատրաստման վրա: Էկսպոնատի բարձրությունը կազմում է 1,5 մետր, իսկ լայնությունը` 1 մետր:
Իշխան Բադիշյանը խոսքի հետ կապված խնդիրներ ունի, նա չի խոսում, այդ պատճառով նրա մասին մեզ պատմեց նրա եղբայր Համբարձումը:
“Իշխանը մանկուց սիրել է զբաղվել արվեստով, նա եկեղեցիների էկսպոնատներ էր պատրաստում կավից և հրուշակեղենի արկղերից”,- նշեց Համբարձումը:
Իշխանն արդեն ավարտին է հասցրել 7 աշխատանք, որոնք նա նվիրել է իր հարազատներին և ծանոթներին: Այժմ եկեղեցիների էկսպոնատները պատրաստելիս Իշխանն օգտագործում է փայտ, ալյումինե ձողեր, պղինձ, իսկ կտուրներ սարքելու համար օգտագործում է պաղպաղակի փայտիկներ:
Ամբողջ աշխատանքը Իշխանը կատարում է միմիայն ձեռքով: Մի էկսպոնատն ավարտին հասցնելու համար նրանից պահանջում է մեկ տարի ժամանակ:
Գանձա գյուղում չկա համապատասխան աշխատանք, հատկապես ֆիզիկական սահմանափակ հնարավորություններով անձանց համար: Իշխանի հիմնական եկամուտը տնային տնտեսությունն է և ստացված թոշակը:
Մանրամասները լսեք մեր նյութում.
Անահիտ Զալալյան