Որքան գումար է մնացել Նինոծմինդայում ձնամաքրման համար նախատեսված գումարից և որքան է նախատեսված 2024թ-ին

Նինոծմինդայի մունիցիպալիտետում ձմռան սկսվելուն պես կարևոր առաջնահերթություններից է ճանապարհների ձյունից մաքրումը:

Ամեն տարի Նինոծմինդա քաղաքի փողոցների և գյուղական ճանապարհների մաքրման համար հատկացվում է ավելի քան 140,000-150,000 լարի։

Ընթացիկ տարվա ֆինանսների և 2023 թվականի մրցույթից հետո մնացած գումարի վերաբերյալ տեղեկացանք Նինոծմինդայի մունիցիպալիտետի քաղաքապետարանի ֆինանսական ծառայությունից։

Նախատեսված 140 000 լարիից մրցույթը շահել է JV Group-ը 122 000 լարիով։ Ծախսվել է 54 885 լարի, իսկ մնացած 67000 լարին անհրաժեշտության դեպքում կօգտագործվի 2023 թվականի ընթացքում ձնամաքրման համար։ Եթե ​​գումարի մնացորդ լինի, գումարը կփոխանցվի բյուջեի ծախսերին ու կուղղվի շրջանի այլ կարիքներին։

Ըստ նախագծի՝ մրցույթում հաղթած կազմակերպությունը պարտավորվում է մեկ տարվա ընթացքում մաքրել ու աղով մշակել մունիցիպալիտետի գյուղեր տանող ճանապարհները։

Բացի այդ, պարզաբանվեց, որ 2024 թվականին ճանապարհների մաքրման ծրագրի համար նախատեսված է 150 հազար լարի։ Ճանապարհների մաքրման մրցույթը կհայտարարվի 2024 թվականի բյուջեի ընդունումից հետո։

---

---